ТЕМЕТОВ У СРИМСКЕЙ КАМЕНЇЦИ

У улїци Иве Лоли Рибара ше находзи Каменїцки (православни и католїцки) теметов. То два теметови на истей парцели, роздвоєни зоз главну дражку. Каменїчанє вироятно дараз мали теметов у старим валалє Мала Каменїца, у валалє под час турского панованя. На основи зачуваних памятнїкох трима ше же нєшкайши теметов настал у 18. вику. На тим теметове, точнєйше поведзене, у православней часци теметова, поховани Йован Йованович Змай (1833-1904), дохтор и познати поета и Новак Радонич (1826-1890), маляр. Поверхносц теметова 4,5 гектари.

Спрам податкох, на тим теметове од 1991. року по нєшка поховане коло 3000 умартих.

ТРАНДЖАМЕНТ И МАЮР

Стари католїцки теметов ше находзи у улїци Дунайскей дивизиї, на Транджаменту. Тот стари теметов, гражданє Петроварадина волаю Стари маюрски теметов. На початку 18. вику у Старим Маюру, коло церкви, находзел ше теметов за цивилох. Од 1748. року почина ше зоз хованьом на Транджаменту, долу Воєного теметова. На тим теметове ше коньча хованя и нєшка.

Попри католїкох ховаю ше и припаднїки других конфесийох. На тим теметове поховани: Яника Балаж 1923-1988, естрадни уметнїк, Йосип Зебетич (1838-1907) майор 70. Пешадийскей реґименти австрискей войски и Йосип Ханел (1838-1883), перши городоначалнїк Петроварадина.

Католїцки теметов тиж ше находзи у улїци Дунайскей дивизиї, на Транджаменту. Дзепоєдни го волаю Нови старомаюрски теметов. Настало на самим початку 19. вику бо стари теметов бул мали. На тим теметове ше и тераз оконьчую хованя. На нїм ше находзи и крипта заштрелєних партизанох у Вуковаре 19. октобра 1941. року. Воєни теметов ше находзи у улїци Дунайскей дивизиї, односно на Транджаменту. Настал у першей половки 18. вику. Скорей ше находзело при виходу зоз Беоґрадскей капури право, скорей драги хтора водзи ґу Твердинї. То старши теметов хтори настал на концу 17. вику и на нїм нєт нїяки видлїви шлїди.

Новемаюрски теметов ше находзи на концу Петроварадина, на виходу ґу Сримским Карловцом. Теметов настал за потреби Нового Маюра у другей половки 18. вику и активне по нєшка.

ЯКП „Лисє“ ше намага же би, шицки теметови о хторима ше стара, мали шицки нєобходни змисти. Остатнїх рокох ше досц уклада до ушорйованя инфраструктури, дзвиганє оградох и отримованя желєнїдла на теметовох.

На тих теметовох спрам податкох зоз 1962. року по тераз поховани коло 7800 умартих.

РУСИНСКИ (ҐРКОКАТОЛЇЦКИ) ТЕМЕТОВ

Русински теметов ше находзи на Булевару краля Петра I. Облапя поверхносц од коло 6 гектари, зоз 650 гробних местох. Формовани є 1860. року, а престало ше хасновац 1974. року. Защицени є як и шицки стари теметови.

На тим теметове поховани: Осиф Фа (1882-1971), учитель и визначни русински просвититель и Йован Хранилович (1855-1924), священїк, писатель, предшедавал на Велькей народней скупштини у Новим Садзе 25.11.1918. року.

НАЗАРЕНСКИ ТЕМЕТОВ

Назаренски теметов ше находза на Кисачкей драги, сиверозаходно од Алмашкого теметова. Його поцерхносц коло 700 m². Судзаци по малим чишлє зачуваних памятнїкох, теметов настал у дзеветнацстим вику, а загашени є 1974. року. Защицени є як и шицки стари теметови 1984. з боку Завода за защиту памятнїкох култури. Теди принєшени одлука же би ше на тих теметовох нє оконьчовали хованя, алє же би ше могли одкладац урни.

ЄВРЕЙСКИ ТЕМЕТОВ

Єврейски теметов ше находзи у улїци Доже Дєрдя. Настал на початку 19. вику, алє вецей ше нє хаснує од 1974. року же би ше после 10 рокох ознова отворело за хованє. Теметов ма поверхносц 1,5 гектари.

Скорей того теметова, у Новим Садзе исновали два єврейски теметови. Перши теметов ше находзел на углє Булевара Михайла Пупина и улїци Краля Александра. Тот теметов настал 1717. року, а загашени є 1749. року. После того Євреї були поховани на теметове у Алексе Шантича, од прешлого року у улїци Доже Дєрдя. На теметове єст фамелийних памятнїкох окремней уметнїцкей и архитектонскей вредносци. Ту ше находзи и барз драгоцини памятнїк жертвом фашистицкого терора. Єврейски теметов под защиту Завода за защиту памятнїкох култури.

Спрам податкох зоз 1962. року по 1974. рок поховане 65 умартих од повтвореного отвераня 1994. року по нєшка поховане 49 умартих (вкупно 114).

Памятнїк на заєднїцкей гробнїци хтори пренєшени зоз Йовановского теметова 1921. року ма окремну уметнїцку и архитектонску вредносц. На тим теметове ше находзи заєднїцка крипта хтора подзвигнута зараброванима хтори помарли у цеку Першей шветовей войни.

Єдна часц теметова ше вола Росийска парцела дзе поховани росийски емиґранти православней вири.

На Успенским теметове ше ховало по 1974. рок, а после дзешец рокох Городски завод за обнову будовательного нашлїдства и защиту памятнїкох култури положел тот теметов под защиту.

Спрам податкох, на теметове од 1962. року по нєшка поховане коло 4400 умартих.

АЛМАШКИ ТЕМЕТОВ

Алмашки теметов єден з найкрасших и историйно патраци, найинтересантнєйших теметовох.

Теметов ше находзи у городским ядру, на концу Кисачкей и улїци Воїслава Илича, на Площи мира число 1. Поверхносц му коло 5 гектари. На тим теметове ше ховало од 1860. по 1974. рок, кед теметов заварти за хованє.

После дзешец рокох од завераня, преглашени є за памятнїк култури. Зоз хованьом ше ознова почало 1992. року, алє лєм до иснуюцих фамелийних гробних местох. То значи же лєм зроднїки умартих особох хтори ту спочиваю на тим теметове, и то малженски пари, зроднїки по креви у першей линиї заключно зоз штвартим ступньом зродства, як и малженски пари тих особох могли буц поховани на Алмашким теметове.

На Городским теметове ушорени и простори за крипти и ушорени парцели зоз памятнїками. На тих ушорених парцелох, популарно наволани „америцки“, памятнїки єднообразни, од природного и штучного каменя и гроба.

У составе Городского теметова ше находзи Спомин теметов погинутих борцох народноошлєбодителльнєй войни 1941-1945. року, Алея народних геройох и визначних револуционарох и Алея и крипти народних геройох.

На Спомин–теметове ше находзи памятнїк хтори символизує нишан-защитнї мур шлєбоди. На нїм урезани 538 мена погинутих борцох чийо цела ту нє пренєшени. По широких алейох, хтори подзелєни спрам воєних рокох, розмесцени 288 символи. Кажди символ означує єден превчас загашени живот.

Алея народних геройох и визначних револуционарох, находзи ше на першим гробним полю. Алея настала 1981. року. Ту поховани: Стеван Дороньски, Йован Веселинов Жарко, Йован Белянски-Лала и Марко Перичин-Каменяр.

Алея и крипта народних геройох, находзи ше на другим гробним полю. Алея формована 1986. року. Ту поховани: Дьордє Никшич, Милан Єшич, Ґедеон Боґданович, Дмитар Заклан, а зоз других теметовох пренєшени: Сава Соґич, Лазар Саватич и Живоїн Милованович.

На Городским теметове од 1974. року по нєшка поховане коло 70.000 умартих.