Услуги
Одкладанє пепела
ПОКЛАДАНЄ УРНИ ДО ГРОБНОГО МЕСТА
Поступок ше виводзи на єднаки способ як и кед ше оконьчую хованя, зоз тим же ше место труни на кочику вожи урна зоз посмертним остатками, так же нєт активносци завераня труни и спущованя труни дод гробного места.
ПОКЛАДАНЄ УРНИ ДО РОЗАРИЮМА АБО КОЛУМБАРИЮМА
Покладанє урни до розариюма або колумбариюма ше може поконьчиц на два способи:
Перши способ таки же ше обряд оконьчує у сали за одпитованя и теди ше поступок виводзи на єднаки способ як при хованю, зоз тим же ше урна (место труни) зоз посмертним остатками на кочику вожи до розариюма або колумбариюма. При покладаню урни до розариюма або колумбариюма, урна ше одклада до предходно порихтаней касети хтора ше потим завера зоз плочу.
Други способ таки же ше обряд оконьчує на месту покладаня урни (пред розариюмом або колумбариюмом). Теди єден гробар роботнїк у святочней униформи, и у провадзеню протоколарного руководителя приноши урну у специялним ношачу, после чого ю одклада до касети колумбариюма. После обряду (кед родзина виражи жаданє за истим), гробаре роботнїки завераю касету зоз плочу.
ЗАГРАДКА ЗДОГАДОВАНЯ
На основи жаданя покойного, його малженскей пари або зроднїка, або у складзе зоз гиґиєнско здравственим предписанями, пирня покойного може буц положена до урни хтора ше росипує у Заградки здогадованя. Подприємство водзи евиденцию о кремираних особох, урнох и особох чия пирня росипана.
У догварени час, єден гробар роботнїк у святочней униформи и у провадзеню протоколарного рукооводителя приноши урну на специялним ношачу до Заградки здогадованя, дзе го чекаю родзина и приятелє покойного.
Урна ше предходно у капели отвера. После приходзеня до Заградки здогадованя, урна ше поставя на подлогу. По догварки, родзина покойного або гробар роботнїк бере дакус пирнї зоз урни и посипую го до ружовей заградки. Потим ше урна зоз остатком пирнї завера и спущує до, за тоту намену, порихтану заєднїцку крипту–осариюм.