УСПЕНСКИ ТЕМЕТОВ

Успенски, православни теметов, настал 1860. року. Находзи ше у улїци Новосадского сайма.

Зоз Йовановского теметова 1921. року пренєшени посмертни остатки гражданох, дзепоєдни з нїх поховани до заєднїцкей, а дзепоєдни до поєдинєчних криптох. Истого 1921. року поваляна Св. Йовановска церква и од того материялу дзвигнута капела на Успенским теметове. Поверхносц теметова коло 4 ha.

Зоз приношеньом одлуки о хованю и теметовох („Службени лїст општини Нови Сад“, 11/91), тот теметов ознова отворени за хованє. Зоз хованьом ше ознова почало, алє лєм до иснуюцих фамелийних гробних местох. То значи же лєм зроднїки умартих особох хтори ту спочиваю на тим теметове, и то малженски пари, зроднїки по креви у першей линиї заключно зоз штвартим ступньом зродства, як и малженски пари тих особох могли буц поховани на Успенским теметове. Прикрашую го велї монументални и вредни памятнїки фамелиї Полит-Десанчич, потим фамелиї Батут, Виловац и других.

Памятнїк на заєднїцкей гробнїци хтори пренєшени зоз Йовановского теметова 1921. року ма окремну уметнїцку и архитектонску вредносц. На тим теметове ше находзи заєднїцка крипта хтора подзвигнута зараброванима хтори помарли у цеку Першей шветовей войни.

Єдна часц теметова ше вола Росийска парцела дзе поховани росийски емиґранти православней вири.

На Успенским теметове ше ховало по 1974. рок, а после дзешец рокох Городски завод за обнову будовательного нашлїдства и защиту памятнїкох култури положел тот теметов под защиту.

Спрам податкох, на теметове од 1962. року по нєшка поховане коло 4400 умартих.

УСПЕНСКИ ТЕМЕТОВ

Роботни час

Число телефона

Адреса теметова

ЛОКАЦИЯ