Городски теметов

ГОРОДСКИ ТЕМЕТОВ

Городски теметов ше находзи на Руменацкей драги число 65 у Новим Садзе. Отворени 1974. року як мултиконфесионалне. Зоз своїм идейно-формованим ришеньом и режимом хаснованя представя специфични комунални обєкт у жеми зоз шицким нєобходним змистами, як цо управни будинок, капела, сала за одпитованє, крематориюм, предайно-виставательни салон за опрему за хованє и каменя, квецарня, хижа за обеди и спомини, архив, роботни и маґацински простор.

Пресцера ше на коло 80 гектари. Як би ше гражданом олєгчала нащива оддалєним гробним польом, уведзена орґанизоване превоженє зоз службену превозку. Зоз проєктом предвидзене етапне будованє гробних польох. Теметов пейзажно проєктовани зоз високу заступеносцу желєнїдла. Желєни поверхносци теметова у Новим Садзе, як поверхноссци специялней наменки, ту маю доминантну гиґиєнско-здрваствену, и декоративно-естетску улогу. Творя 40% вкупней поверхносци. Шицки гробни поля обезпечени зоз инфраструктуру водоводней, канализацийней и мрежу дражкох, зоз достаточним ступньом архитектонского ушореня.

На Городским теметове ушорени и простори за крипти и ушорени парцели зоз памятнїками. На тих ушорених парцелох, популарно наволани „америцки“, памятнїки єднообразни, од природного и штучного каменя и гроба.

У составе Городского теметова ше находзи Спомин теметов погинутих борцох народноошлєбодителльнєй войни 1941-1945. року, Алея народних геройох и визначних револуционарох и Алея и крипти народних геройох.

На Спомин–теметове ше находзи памятнїк хтори символизує нишан-защитнї мур шлєбоди. На нїм урезани 538 мена погинутих борцох чийо цела ту нє пренєшени. По широких алейох, хтори подзелєни спрам воєних рокох, розмесцени 288 символи. Кажди символ означує єден превчас загашени живот.

Алея народних геройох и визначних револуционарох, находзи ше на першим гробним полю. Алея настала 1981. року. Ту поховани: Стеван Дороньски, Йован Веселинов Жарко, Йован Белянски-Лала и Марко Перичин-Каменяр.

Алея и крипта народних геройох, находзи ше на другим гробним полю. Алея формована 1986. року. Ту поховани: Дьордє Никшич, Милан Єшич, Ґедеон Боґданович, Дмитар Заклан, а зоз других теметовох пренєшени: Сава Соґич, Лазар Саватич и Живоїн Милованович.

На Городским теметове од 1974. року по нєшка поховане коло 70.000 умартих.

ГОРОДСКИ ТЕМЕТОВ

Роботни час

Tеметов

Виплатна каса

Zakazivanje sahrana

ЛОКАЦИЯ